Қатты аяз келе жатыр. Төрт өңірде дауылды ескерту жарияланды

Желтоқсан 24, 2020 | 226 |

"Қазгидромет" РМК деректері бойынша еліміздің төрт өңірінде дауылды ескерту жарияланды, деп хабарлайды zakon.kz ҚР ТЖМ баспасөз қызметіне сілтеме жасап.

E-GAZET.KZ. 25 желтоқсанда Солтүстік-Қазақстан облысында ауа температурасы 20-25 градусқа дейін күрт төмендейді, облыстың солтүгінде 30 градус аяз болады. 26 желтоқсанда түнде 25-30, кей жерлерде 33 градус аяз болады.

26 желтоқсанда Павлодар облысында ауа температурасы 30-35 градусқа дейін күрт төмендейді, облыстың солтүгінде 38 градус аяз болады, 27 желтоқсанда түнде 32-37, кей жерлерде 40 градус қатты аяз күтіледі.

26 желтоқсанда Ақмола облысында ауа температурасы 20-25 градусқа дейін күрт төмендейді, облыстың солтүгінде 30 градус аяз болады. 27 желтоқсанда түнде 25-30, кей жерлерде 35 градус аяз күтіледі.

26 желтоқсанда Шығыс-Қазақстан облысында ауа температурасы 30-35 градус дейін күрт төмендейді, аяз болады. 27 желтоқсанда 37-42 градус қатты аяз күтіледі.

Дауылды ескертудің ықтималдылығы 95-100%.

Қатты аяз техногендік өрттердің өсуіне, халықтың тіршілігін қамтамасыз етудің коммуналдық жүйелеріндегі бұзушылықтарға байланысты авариялардың, көлік жұмысындағы бұзылулардың көбеюіне әкелуі мүмкін. Сонымен қатар халық арасында тоңазу, үсіп қалу және өлім жағдайларының көбеюі, авариялық-қалпына келтіру жұмыстарын жүргізу кезінде жағдайлардың нашарлау ықтималдығы бар.

Осыған байланысты, Төтенше жағдайлар министрлігі ауа температурасы өте төмен болған кезде далаға шықпауға, балалардың көшеде жүруіне жол бермеуге кеңес береді.

* Дауыл туралы ескерту алғаннан кейін туыстарыңыз бен көршілеріңізді ескертіңіз, өйткені олар бұл туралы естімеген болуы мүмкін.

* Қатты аяз болған жағдайда далаға шықпаңыз, жеке автокөлікпен ешқайда бармаңыз.

* Егер сізге әлі де сыртта жүру керек болса, үсік алмас үшін қолыңыздан келгеннің бәрін жасауға тырысыңыз.

* Аязды күні далаға қолғапсыз, бас киімсіз және шарфсыз шықпаңыз. Су және суық өткізбейтін, іші жылы биялай киген дұрыс. Табиғи материалдан тігілген қолғаптар ыңғайлы болса да, аяздан сақтамайды. Бет пен иекті шарфпен қорғауға болады. Желді суық ауа райында сыртқа шықпас бұрын, дененің ашық жерлерін арнайы креммен майлаңыз.

* Аязда металлдан (соның ішінде алтын, күміс) жасалған әшекейлерді – сақиналар, сырғалар және т.б. тақпаңыздар. Біріншіден, металл тез суық тартады, салдарнан теріге жабысып, адам жарақат алуы мүмкін. Екіншіден, саусақтағы сақиналар қалыпты қан айналымын тежейді. Жалпы, аязда жалаңаш терінің металмен жанасуын болдырмауға тырысыңыз.

* Желден қорғану керек, себебі желде үсіп қалу ықтималдығы әлдеқайда жоғары.

* Табаны сырғанамайтын аяқ киімді киіңіз, қажет болған жағдайда табанға жабысқақ лейкопластырь салыңыз.

* Абай болыңыз, әсіресе көшелерден, қиылыстардан өткен кезде, тек "өтуге болады" деген белгісі бар жерден өтіңіз, өйткені жүріп келе жатқан көлікті тоқтату үшін уақыт қажет.

МАҢЫЗДЫ АҚПАРАТТАРДАН ҚҰР ҚАЛМА!

БІЗДІҢ TELEGRAM-ҒА ЖАЗЫЛ!

Өзге де өзекті мақалалар:

Сілтемемен бөлісу
Қалай бөлісуге болады

Біз әлеуметтік желілерде: