• Басты бет
  • Қоғам
  • Түркістанда сауда орталығынан 7 млн теңгенің алтын бұйымдарын ұрлаған күдікті ұсталды

Түркістанда сауда орталығынан 7 млн теңгенің алтын бұйымдарын ұрлаған күдікті ұсталды

Қараша 10, 2020 | 143 |

Түркістан ҚПБ кезекші бөлімінің 102 пультіне сауда орталықтарының біріне белгісіз ер адам кіріп, қару-жарақпен қорқытып, алтын бұйымдарды алып кеткені туралы хабарлама түсті. Жәбірленушіге келтірілген шығынның жалпы көлемі шамамен 7 миллион теңгені құрады, деп хабарлайды ҚазАқпарат облыстық ПД баспасөз қызметіне сілтеме жасап.

E-GAZET.KZ.  Аталған фактіні полиция қызметкерлері ҚР ҚК-нің 192-бабы «Қарақшылық» бойынша СДТБТ-ға тіркеп, күдікті адамды іздестіруге кірісті.

Қарақшылық шабуылдың тапа тал түсте облыс орталығының көшесінде орын алғанын ескере отырып, Полиция департаментінде тәжірибелі қызметкерлер қатарынан жедел-тергеу тобы құрылды. Жедел уәкілдер қылмыс орнын мұқият қарап, бейнебақылау камераларын зерттеп, ықтимал куәгерлерден жауап алды. Полиция әр аула мен көшені аралады, қылмыскердің ұрланған заттарды сатуы мүмкін ломбардтар мен сатып алушыларды тексерді.

Екі күннен кейін жедел шаралар барысында арнайы құрылған іздестіру тобының қызметкерлері күдіктінің ізіне түсті. Оны Кентау қаласы көшелерінің бірінен ұстады.

Күдікті жұмыссыз, Түркістан қаласының тұрғыны болып шықты. Ұсталған азамат полиция басқармасына жеткізіліп, УҰИ-ға қамауға алынды.

Тергеу барысында анықталғандай, қарақшылық шабуылдан кейін күдікті қалалық жолдар арқылы қашып кеткен. Жас жігіт бейнекамералар мен іздестіруден құтылу үшін киімін басқа киімге ауыстырып алып, таксиге отырып Кентау қаласына қарай бет алған. Бұл қарақшылық жасаған күдіктіні іздеуге екі күн жұмсаған жедел уәкілдердің жұмысын қиындатты.

Белгілі болғандай, көрші қалада күдікті ломбардқа алтын бұйымдардың бірін тапсырып, ал ақшасын өз қажеттілігіне жұмсаған.

Қазіргі уақытта Түркістан ҚПБ-ның тергеушілерімен қарақшылық шабуыл дерегі бойынша сотқа дейінгі тергеу амалдары жүргізілуде. Ұрланған алтын бұйымдары айғақты зат ретінде тәркіленіп алынып, заңды иесіне қайтарылды. Тергеу жалғасуда.

Өз кезегінде қарақшылық шабуылға тап болып, алтындарынан айырылған тұрғын күдіктіні ұстаудағы полицейлердің тиянақты жұмысына алғысын білдірді.

МАҢЫЗДЫ АҚПАРАТТАРДАН ҚҰР ҚАЛМА!

БІЗДІҢ TELEGRAM-ҒА ЖАЗЫЛ!

Өзге де өзекті мақалалар:

Сілтемемен бөлісу
Қалай бөлісуге болады

Біз әлеуметтік желілерде: